#متابعات لأصداء الحدث..
________________
بلادي حنان وناسها حُنان
يكفكفوا دمعة المفجوع
يحبوا الدار
يموتو عشان حقوق الجار
يخوضو النار عشان فد دمعة
كيف الحال لو شافوها سايلة دموع؟!
ديل اهلي ديل اهلي
يبدو الغير علي ذاتم
يقسموا اللقمة بيناتم
يدو الزاد حتى ان كان مصيرم جوع
ديل اهلي البقيف في الدارة
وسط الدارة واتنبر وأقول للدنيا ديل اهلي
عرب ممزوجة بدم الزنوج الحارة ديل أهلي
ديل قبيلتي لمن ادور افصل ديل فصلي
اصحاب روحي والاحساس
سافر في بحار شوقم زمان عقلي
اقول بعضي.
الاقيهم تسربو في مسارب الروح
بقو كلي..
محل قبلت القاهم معاي معاي
زي ضلي
كان ما جيت من زي ديل واااا أسفاي وااااا ماساتي وااااا ذلي..
تصور كيف يكون الحال لو ماكنت سوداني
واهل الحارّة ما أهلي؟؟!!!!
ليست هناك تعليقات:
إرسال تعليق